Kystmuseet i Sogn og Fjordane

Kystmuseet i Florø ligg i eit vakkert kystområde bunde saman med spaserveger og bruer. Her kan du puste inn den friske havlufta medan du spaserar mellom gamle sjøbuer og gardstun. Kystmuseet har 3 utstillingsbygg og stort uteområde med gamle bygningar i flott kystnatur. På sommaren kan både små og store helse på dei søte geitene som er på beite like ved museet. 

Sjå glimt av dagleglivet ved kysten - frå steinalder til oljealder!

Kystmuseet i Florø ligg i eit vakkert kystområde bunde saman med spaserveger og bruer. Her kan du puste inn den friske havlufta medan du spaserar mellom gamle sjøbuer og gardstun. Kystmuseet har 3 utstillingsbygg og stort uteområde med gamle bygningar i flott kystnatur. På sommaren kan både små og store helse på dei søte geitene som er på beite like ved museet. 

Kystmuseet i Sogn og Fjordane ligg plassert i Florø, ein kort spasertur frå sentrum. Her finn du tre museumsbygg og eit stort friluftsmuseum med gamle sjøbuer og tradisjonelt kulturlandskap. Museet skal trygge og formidle natur- og kulturhistorie frå kystsamfunna i Sogn og Fjordane. Livet til dei som levde tett på havet var prega av slit og uvisse. Men det kunne også by på utfattelege rikdomar for både lokalsamfunn og enkeltpersonar. Tilgongen til, og korleis menneska her har brukt frå havet, er sentrale i utstillingane. 

Kystmuseet har tre museumsbygg. I hovudbygget kan du lære meir om framveksten av Florø by og dagleglivet for både fiskarbonden og byfolk. I båthallen kan du sjå tradisjonelle båtar som vart brukt til fiske og anna daglegliv. Her kan du blant anna sjå Bakkejekta (bygd om lag 1750), som er blant dei eldste bevarte trebåtane i landet. I det siste utstillingsbygget finn du oljeutstillinga som fortel om framveksten av oljealderen. 

AKTIVITETAR OM SOMMAREN 
I løpet av sommaren kan du bli med på fleire kjekke aktivitetar på Kystmuseet: 

          - Barna sitt kystmuseum med aktivitetar både ute og inne. 
          - Følg kultur- og naturløypa vår gjennom friluftsmuseet. 
          - Besøk geitene og sauene som held kulturlandskapet ved like på Brendøya. 
          - Prøv deg som gjetargut og gjetarjente og hjelp museet med å passe dyra våre.
          - Få guida tur i oljeutstillinga. Kjem du deg gjennom evakueringsrommet?
          - Fleire spanande aktivitetar på kystsommarleik siste veka i skuleferien. 

REISE TIL KYSTMUSEET
Til fots:
Kystmuseet ligg ca. 2 kilometer frå sentrum av Florø - om lag 30 minutt gangtid. Sjå kart for detaljert veg. 

Bil:
Privatbilar kan køyre via Brendøyvegen heilt fram til parkering ved utstillingshallane. Frå Florø sentrum følgjer du skiltinga i retning flyplassen til du ser skiltinga mot Kystmuseet. Du kan også parkere i Båtevika og gå gjennom friluftsmuseet til utstillingsbygga. 

Buss:
Det går bybuss frå rutebilstasjonen i sentrum om lag kvar heile og halve time. Den brukar ca. 15 minutt til Brendøyvegen og derifrå er det ca. 600 meter å gå til Kystmuseet. Grupper som kjem med eigen buss kan køyre til bussparkeringa i Båtevika og gå gangstien gjennom uteområdet fram til museet. Alternativt kan bussen setje av gruppa ved avkøyrsla til museet i Brendøyvegen. Derifrå er det 100 meter til inngangen (merk. bussar kan ikkje stå parkert i Brendøyvegen).