Leirvik fyr er ein heilt spesiell og idyllisk stad å overnatta, perfekt for deg som ønskjer ro, sjøliv og ekte kystidyll. Fyrstasjonen ligg på Midtøya i skjergarden utanfor Leirvik, berre 10–12 minuttar med båt frå Leirvik sentrum. Her får du ei minnerik oppleving med nærleik til natur, hav og lokale aktivitetar.

Overnatting på Leirvik fyr

Fyrstasjonen har plass til opptil 8 personar og er utstyrt med alle nødvendige fasilitetar for eit komfortabelt opphald. Dette gjer Leirvik fyr til eit perfekt val for familiar, vennegjengar og par som ønskjer ei unik overnatting i Sunnhordland.

Slik kjem du deg til Midtøya

Ein kort båttur frå Leirvik sentrum tek deg til ein god og skjerma kai på vestsida av øya. Har du ikkje eigen båt, kan du leiga båt i helger og i juli. Leiger du båt, får du òg gratis parkering ved hamna i Leirvik.

Opplev Midtøya og Sunnhordland frå Leirvik fyr

På Midtøya kan du:

bada i krystallklart sjøvatn

gå turar rundt øya

fiska frå land eller båt

Frå fyrstasjonen har du eit ideelt utgangspunkt for å utforska Sunnhordlandsområdet med båt. Du er berre ein kort tur unna opplevingar, naturattraksjonar og aktivitetar. I Leirvik sentrum finn du gode kaféar, daglegvarer, butikkar, aktivitetar og fleire restaurantar.

Bestilling av overnatting

Overnatting på Leirvik fyr blir administrert av Stord kommune i samarbeid med Venelaget for Leirvik fyr.
For ledige datoar og bestilling, sjå nettsida til Stord kommune.

Prisar og sesong (15. april – 15. oktober)

1 døgn

(innsjekk 12:00, utsjekk 11:00)

Inntil 2 personar: kr 1 500,-

Per ekstra person: kr 150,-

Barn under 18 år: gratis
Merk: Døgnleige er ikkje tilgjengeleg i helger.

1 helg

(fredag 14:00 – sundag 19:00)

Inntil 2 personar: kr 2 800,-

Per ekstra person: kr 300,-

Barn under 18 år: gratis

1 veke

(måndag 12:00 – sundag 19:00)

Inntil 2 personar: kr 8 000,-

Per ekstra person: kr 500,-

NB! Klokkesletta gjeld henting og levering av nøklar.

Nytt bestillingssystem kjem i 2026.