Loen Skylift

Loen Skylift - Frå fjord til fjell på 5 minutt. Det er ein spektakulær ny attraksjon og opplevingsarena, i Stryn, inst i Nordfjord, i hjartet av Fjord Norge. Ei av dei brattaste svevebanene i verda tek deg frå fjorden og 1011 meter rett opp. Nyt utsikta over fjordlandskapet - frå restaurantbordet, eller ute på tur i fjellet.

Fakta om Loen Skylift:

Det er plass til 35 passasjerar i kvar vogn (2 stk).

Turen tek 5-7 minutt kvar veg.

Avgong kvar halve time, men oftare ved stor pågong.

Billettar kan kjøpast på nett, i billettluke i Fjordshop og på automat i Fjordshop, fjordstasjon og på toppstasjonen.

Det er universell utforming i bana og bygningane knytt til Loen Skylift. Dette vil seie at heile anlegget er handicapvenleg.

Loen Skylift er ei pendelbane, der teknologien er basert på vektutligning med to store vogner, der den eine går opp medan den andre går ned.

Leverandør er sveitsisk-østerrikske Doppelmayr Garaventa, den største leverandøren i verda på taubaner.