Lom nasjonalparklandsby

Lom sentrum, Fossbergje, er ein av fem tettstadar i Noreg som har status som nasjonalparklandsby, og er ein naturleg innfallsport til nasjonalparkane Jotunheimen, Reinheimen og Breheimen.

Lom sentrum, Fossbergje, er ein av fem tettstadar i Noreg som har status som nasjonalparklandsby, og er ein naturleg innfallsport til nasjonalparkane Jotunheimen, Reinheimen og Breheimen.

Lom med sine 2350 innbyggarar, er den mest typiske fjellkommuna i Noreg, med 135 eigne toppar og 23 grensetoppar over 2000 meter over havet. Nasjonalparklandsbyen ligg flott til under mektige Lomseggen, og utgjer eit krysningspunkt mellom aust og vest. På under to timar (sommarstid) kan du forflytte deg frå høgfjellet i Jotunheimen til verdas lengste fjord, Sognefjorden.

Midt i sentrum renn elva Bøvra kvit og vill utfor Prestfossen.

Namnet Fossbergje kjem av berga som stikk fram attmed fossen. Her har bygdasenteret vakse fram på båe sider av elva. Fyrste private aktiviteten i området var eit kvernbruk rundt 1770, fyrste landhandelen kom i 1870. På Fossbergom er det eit yrande liv i sommarmånadene med bygdafolk og turistar om kvarandre. Vi kan by på eit triveleg sentrumsmiljø med uteserveringar, kafear, butikkar, ein gjennomført byggeskikk og mange flotte turalternativ.

Opplev nasjonalparklandsbyen - gå Bergomsrunda:
Bergomsrunda er ein triveleg rundtur til fots i nasjonalparklandsbyen, Lom sentrum. Runda bitt saman sentrum og attraksjonane på ein god måte og du får med deg alt som er verd å sjå. Runda er ca 2,5 km lang.

Kart over Bergomsrunda

Meir informasjon om vandringa får du på turistkontoret.