Skip to main content
Unknown Component
civid: 5c827ba037bdfdb80784db70
name: plugins_common_social_share (widget)

SVEIO

Nordsjøløypa Mølstrevåg - Ryvarden

Turen går  frå parkeringsplassen i Mølstrevåg på ein 2 km lang grusveg, gjennom kupert terreng med lynghei og gammalt kulturlandskap til Ryvarden.

Stad

Mølstrevåg i Sveio

Turkart

Turkart for Sveio (1:50 000)

Start og sluttpunkt

Mølstrevåg

Parkering

På oppmerka plass i Mølstrevåg. Tilkomst med offentleg transport: Buss frå Haugesund.

Merking

Informasjonstavle ved startpunkt. Skilta etter ny løypestandard.  Turen går på grusveg utan merking langs vegen. 

Gradering

Grøn. Lett fottur. Ein støvel etter DNT-systemet

Høgdeskilnad

0-25 moh.

Tidsbruk

40 min. t/r

Gode råd

Tilgjengeleg for hjulbrukar, men nokre bratte bakkar kan gjera det vanskeleg å ta seg fram med rullestol. Bomveg. Ved særskilde behov kan ein gjera avtale om å køyra på vegen med bil.

Turomtale

Turen går  frå parkeringsplassen i Mølstrevåg på ein 2 km lang grusveg, gjennom kupert terreng med lynghei og gammalt kulturlandskap til Ryvarden. Frå det høgste punktet omlag midtvegs på turen er det storslått utsikt mot m.a. Sletta, Stord, Bømlo, Utsira og sørover mot Byheiane i Haugesund. Frå steingarden som avgrensar Ryvardsneset, kan ein følgja Nordsjøløypa gjennom marka til Lyngholm (1,5 t.).

Ved ein avstikkar frå vegen rett før ein kjem ut til fyret, står monumentet over dei 16 som omkom då hurtigbåten "Sleipner" gjekk ned like ved Ryvarden i 1999.

Ryvarden fyrstasjon ligg der den gamle «Ryvarden» låg, grensevarden mellom Ryfylke og Hordaland heilt sidan vikingtida. I den islandske sogeboka Landnåmbok vert det fortalt at oppdagaren Flòke Vilgjerdson bygde ein varde på Ryvardsneset i år 868, før han drog vest over havet for å slå seg ned på Island. Flòke er kjend som den som gav Island namnet. Den gamle varden vart fjerna i 1861, då fyrstasjonen blei bygt.

Etter at fyret vart automatisert og fråflytta i 1984, har dei gamle bygningane fått nytt liv som Ryvarden Kulturfyr, med mellom anna galleri, kafe, overnattingsplass og atelier for kunstnarar. Galleriet har skiftande utstillingar gjennom heile sesongen, og er blitt eit populært utfartsmål i distriktet. Galleriet er ope søn- og helgedagar frå påske og ut november, med utvida opningstider i sommarsesongen.

Last updated: 01/29/2024

Source: Samarbeidsrådet for Sunnhordland

Nordsjøløypa Mølstrevåg - Ryvarden

Sider du nylig har besøkt