Skip to main content
Unknown Component
civid: 5c827ba037bdfdb80784db70
name: plugins_common_social_share (widget)

Lom

Raubergstulen | Turisthytte

Raubergstulen turisthytte ligg idyllisk til langs Galdhøpiggvegen, ved foten av Norges tak; Galdhøpiggen.

Raubergstulen turisthytte ligg idyllisk langs Galdhøpiggvegen, ved foten av Galdhøpiggen, 1000 m.o.h. i Lom kommune.

Her er naturopplevingar og aktivitetane i fjellet i fokus, og kjøkenet serverer god heimlaga mat med innslag av lokale råvarer og smakar i ei triveleg og uformell atmosfære.

Overnatting ved Galdhøpiggen: 
På Raubergstulen kan du overnatte på rom, i hytter eller på campinplassen vår. Raubergstulen er eit godt utgangspunkt for turar til Galdhøpiggen, og turisthytta tilbyr dagleg føring for eigne gjestar i sesongen. Her har du og kort veg til Galdhøpiggen sommarskisenter på Juvbreen, og Galdhøpiggen klatrepark i gåavstand frå hytta. 

Raubergstulen leiger ut både 2-sengsrom og familierom med 3-5 senger. Alle rom har eige bad med dusj og wc, oppredde senger og gratis wifi.

Hytter:
Raubergstulen har fleire utleigehytter i ulik storleik. Hyttene for opptil 7 personar har har god standard med godt utstyrt kjøkken, dusj og wc og stue med peis og tv. Det er 2 soverom nede med 2 senger på kvar og ein hems med 3 senger.

Raubergstulen har to storhytter; Losjihuset og Peisestugu.
På Losjihuset er det ei stue med tv og ein godt utstyrt kjøkenkrok med blant anna oppvaskmaskin, og fire soverom. Tre av dei har 3 senger og det siste 2 senger. Det er eige bad på alle soveromma.

I Peisestugu er det ei stor stue med peis og ein godt utstyrt kjøkenkrok med mellom anna oppvaskmaskin. Her er det tre soverom, to med 4 senger på kvart, og eitt med 2 senger på. Også her er det eige bad på kvart soverom.


Matservering på Raubergstulen:
Etter ein lang dag ute i fjellet er det viktig med god mat og riktig kosthald. Kjøkkenet på Raubergstulen er opptekne av å servere god heimlaga mat laga frå botn av. Det blir servert ein god 3-rettars middagbuffet kvar kveld. Her går gjestane og forsyner seg sjølv og et seg gode og mette.
Raubergstulen turisthytte veit å vedsetje lokale matprodusentar og bruker ein del innslag av lokale råvarer og smakar på kjøkkenet. 
Menyen varierer i løpet av året, og tilgangen på råvarer er med på å avgjere korleis menyen blir.

Frokosten skal vere ein god start på dagen, og det blir servert ein stor frokostbuffet kvar morgon. Her finn du det meste som skal til for å få ein fin start på dagen. Under frokosten er det høve til å smøre seg nistepakke og få fyllt termosen. I løpet av dagen blir det servert varme vafler og enkle lunchrettar med kaffe/te/kakao eller mineralvatn til.

Raubergstulen turisthytte legg til rette for dykk med allergi, så gjev beskjed om dette ved bestilling eller i resepsjonen ved ankomst.

Vertskapet på Raubergstulen har lang erfaring med å arrangere bryllup, konfirmasjon og gebursdagar. Kontakt resepsjonen for å få eit tilbod, forslag på eigen meny, eller andre spørsmål. 

Last updated: 06/07/2023

Source: Visit Jotunheimen AS

Raubergstulen | Turisthytte

Sider du nylig har besøkt