Moster Amfi

Snorres Kongesoger fortel at Moster på Bømlo var første staden Olav Tryggvason gjekk i land då han kom til Noreg i år 995 for å kreve kongetrona og innføre kristendomen. Kong Olav den Heilage kom deretter til Mostratinget i 1024 og presenterte Kristenretten for første gong i landet, lovverket som erstatta dei norrøne lovene og som er grunnlaget for vårt moderne lovsystem.

Moster gamle kyrkje - ei av dei eldste steinkyrkjene i Norge, og Mostraspelet har fortald soga om desse kongebesøka på Moster i det vakre Moster Amfi. I 2016 var det urpremiere på det nye Mostraspelet, I slik ei natt, med regi av Svein Tindberg.

På den vakre friluftsscenen er det sitjeplass til 1000 tilskodarar. Her kan du oppleva Mostraspelet, musikalar og konsertar. Sjå nettsida til Moster Amfi for program og opningstider.

Inne i Moster Amfi ligg utstillinga ”Frå heidendom til kristendom”, ei tankevekkjande vandring gjennom den norrøne mytologien, samfunnet i vikingtida og overgangen til kristen tru og livsforståing.

Her finn du òg bergverksutstillinga ”Steinriket Bømlo”, som skildrar Bømlo si spennande bergverkshistorie.

I Amfisalen blir det heile året arrangert intimkonsertar, teater, utstillingar, foredrag og selskapsarrangement. I Amfikafeen vert det servert bl.a. vikingsodd og nysteikte vaflar!

For opningstider, sjå nettsida til Moster Amfi.
 

Omvisingstider 2019

Mai–september:
Sundagar kl. 12:00–16:00

Høgsesong, 25. juni–11. august:
Tysdag–fredag: kl 11:00–16:00 (siste omvising kl 15:00)
Laurdag-Sundag: kl 12:00 - 17:00 (siste omvising kl 16:00)
Guida omvisning: kvar heile time

Måndag: stengt

Ope heile året ved eigne arrangement og på førespurnad om: guida omvising (min.10 pers), kurs, møte, konferansar og ulike type selskap.

Prisar
Moster gamle kyrkje, utstillinga "Frå heidendom til kristendom" og bergverksutstillinga "Steinriket Bømlo"
- Vaksne kr. 150,-
- Barn(10-15 år)/student/honnør kr. 100,-
- Barn u/10 år gratis