Natur- og kulturløypa på Huglo

På Huglo, den største øya i Stord kommune, går det ei fem kilometer lang kulturløype gjennom skog og mark. Undervegs kan du sjå nedlagde kopargruver og Kuhidlaren, som var bustad for fiske- og fangstfolk for 3500 år sidan.

God parkering der turen tek til, i enden av asfaltvegen.
Turen tek til på Sørhuglo (Tveit), ca 6 km frå ferjekaien, ved eldhuset.

Stien går gjennom skogsområde og kulturlandskap. Gjennom løypa finn du fleire forminner som kvedno, kalkomn, kisgruver, trollskog, kuhidlaren og kjelda til fruktbarheit og visdom.

Turen går også forbi Tveitavatnet, som er det største vatnet på Huglo.

Eit høgdepunkt på turen er Sjønhamar, der du får utsikt mot Halsnøy, Fjelberg og Etnefjella.

Langs stien er det sett opp ulike opplysningsskilt om lokalhistorie, plante- og dyreliv.

Løypa er ca 5 km lang, tar ca 2 timar og passar for alle!