1
Naturmuseet
Naturmuseet i Sykkylven viser korleis plantar, dyr og fuglar skaper ein fantastisk mosaikk i det storslåtte naturlandskapet vårt, der alle brikkene til saman utgjer ein heilskap.
Sykkylven Naturmuseum viser i utstillinga MOSAIKK mangfaldet i natur, dyre- og fugleliv i dei kystnære fjordane på Sunnmøre. MOSAIKK spenner vidt i tid og fortel historier om plantar, dyr og fuglar. Her er dramatiske hendingar i kanten av innlandsisen, fuglar som badar og vadar, listige jegerar og flittige samlarar.
Utstillinga tek deg med til landet som kom fram etter istida, gjennom livsviktige våtmarksområde og til artsrike skogar. Du får sjå korleis vi menneske til alle tider har påverka naturen vi lever i og er avhengige av.
Ope kvar onsdag kl. 12-16.
Elles ope etter avtale gjennom året. Ta kontakt.
Kilde: Ålesund & Sunnmøre
Naturmuseet