Rasteplass | Liasanden på Sognefjellet
Liasanden rasteplass er eit stemningsfullt rekreasjonsområde langs nasjonal turistveg Sognefjellet, i Lom. Rasteplassen er spesielt tilrettelagt for syklistar.
Velkomen til ei grøn perle i skogen langs Sognefjellsvegen - stemningsfulle Liasanden rasteplass!
Liasanden gjenopna i oppgradert utgåve sommaren 2024 - med nye uteareal med sitjegrupper, oppgraderte toalett og betre fasilitetar for syklistar. Og ikkje minst; bilfritt område! Her kan du kvile og raste på di ferd over vakre Sognefjellsvegen. Liasanden ligg 28 km. frå Lom sentrum, ca. 25 med bil og 1,5 - 2 timar på sykkel frå sentrum.
Den rolege, lune rasteplassen i skogen ved Liasand var den første rasteplassen som sto ferdig langs dei nasjonale turistvegane i 1997. Etter 27 år med mange besøkande og mykje trafikk var Liasanden betydeleg nedsliten med skadar på røter og undervegetasjon, og derfor klar for eit løft.
Den oppgraderte rasteplassen er nå å sjå på som eit rekreasjonsområde langs vegen - med nye benkar i tre, og to skur med tak som gir ly for vêr og vind. Dei opphavlege arkitektteikna toaletta frå 1997 blir ståande oppgraderte som eit tidsminne.
Arkitekt: Jensen & Skodvin
Nasjonal turistveg Sognefjellet: Tek deg frå kulturlandskapet i Lom over høgaste fjellovergangen i Noreg til inst i Sognefjorden. Strekninga er totalt 108 kilometer lang og går mellom Lom og Gaupne. Toppunktet ligg1434 meter over havet, og gjer vegen til Nord-Europas høgaste fjellovergang.
Kilde: Visit Jotunheimen AS
Rasteplass | Liasanden på Sognefjellet