Rosendal Fjordhotel

Ved fjordkanten i idylliske Rosendal ligg Rosendal Fjordhotel, omkransa av majestetiske fjell og den vakre naturen som Hardanger er kjent for. Hotellet, med sine 89 rom, byr på fantastisk utsikt mot fjord eller fjell frå kvar vinkel.

I hotellets restaurant kan du nyta frukost, lunsj og middag i elegante omgjevnader, med panoramautsikt utover fjorden. Menyen hentar inspirasjon frå lokale råvarer, med rettar tilført ein diskret nordisk twist. Det blir arbeidd med sesongens beste råvarer, der klassisk kokkekunst blir kombinert med kreative smakar som gjer kvar rett til ei oppleving. Restauranten har plass til 180 gjester og passar like godt for intime måltid som for større samlingar.

Rosendal Fjordhotel er òg kjent for topp moderne konferansefasilitetar, med fleire rom i ulike storleikar som kan husa alt frå små grupper til arrangement med opptil 250 deltakarar. Dette gjer hotellet til ein ideell destinasjon for både møte og større samlingar, samstundes som det er eit utmerka val for ferie eller ei roleg helg borte frå kvardagen.

Gjennom året byr hotellet på mathelger, smakingar og sesongfeiringar — sjå heile arrangementsprogrammet.

Når du bur på Rosendal Fjordhotel, har du kort veg til fleire av dei største attraksjonane i Rosendal og Kvinnherad. Besøk Baroniet Rosendal, Skandinavias minste slott, med si unike historie, rike kulturprogram og fantastiske rosehage. Utforsk kunsten på Galleri Guddal, eller lær meir om natur og klima på Folgefonnsenteret. For den som søker aktive opplevingar, finst det mange merka turløyper som tek deg tett på den storslåtte naturen.

Aktivitetar og attraksjonar som Trolltunga, Bondhusvatnet, Malmangernuten og Halsnøy Kloster – berre for å nemna nokon – ligg også berre ein kort køyretur unna.

Velkomen til Rosendal Fjordhotel