Sogn Fjordmuseum, Kaupanger

Sogn Fjordmuseum ligg ved Kaupanger Ferjekai, nede ved Sognefjorden - Noregs lenggste og djupaste fjord. Museet er ei eiga avdeling av De Heibergske Samlinger, fem minuttars biltur borte frå museets hovudanlegg.

Her får du lære om korleis fjorden var ein føresetnad for levemåten og busetnaden i Sogn i eldre tider. Sognefjorden var ei livsnerve for bygdene omkring fjorden, både som matfat og ferdselsåre. Her har museet samla dei delane av samlingane som har direkte tilknyting til fjorden og livet ved fjorden.

Ei eineståande samling av båtar frå Sogn, maritime gjenstandar, båtbyggjarverkstad med film om båtbygging, kafé og suvenirar. Til fjordmuseet høyrer også ei skjenkestove frå tidleg på 1800-talet.

Roing på fjorden kvar onsdag kl. 12-18 i perioden 22/6 – 17/8. Arr.: Indre Sogn Kystlag i samarbeid med Sogn Fjordmuseum.