Sogn Kunstsenter

Sogn Kunstsenter finn du på Lærdalsøyri, i Lærdal Kulturhus saman med Norsk Villakssenter, Laksen Kafé og Lærdal turistinformasjon. 

Målaren Hans Gjesme (1904-1994) er fødd og oppvaksen i Lærdal. Gjesme tok allereie som 16 åring til i lære hos Pola Gauguin i Kristiania. Seinare var han i nokre måneder i Paris, mellom anna som elev hjå André lhothe. 

Gjesme arbeidde i ein naturalistisk stil, med landskap og folk i Lærdal som hovudmotiv. Han budde det meste av livet sitt i Lærdal, og har donert over 1500 verk til Lærdal kommune. 

Sommaren 2016  syner vi utstillinga "Fellesrom" med skildringar av Lærdalslanskapet av Hans Gjesme og fotograf Jens Hauge, som har late seg insirere av sambygningen.