Suldalsheiane

Suldalsheiane er ein del av SVR Setesdal og Ryfylkeheiane Landskapsvernområdet og eit eldorado for friluftsliv heile året. Med tilknytning til Stavanger Turistforening sitt løypenett er det tallause alternativ for turgåarar, både dagsturar og overnattingsturar. Milevis med merka og umerka turløyper, sommar som vinter (eige turkart).

Gullingen-området er eit flott utgangspunkt for turar inn i Suldalsheiane. Gullingen ligg 500 moh og har Reinsnuten (1144 moh), Napen (1350 moh) og andre toppar berre ein dagstur unna. I området er det båtar og kanoar til leige, samt gode fiskevatn og jaktterreng.

I Suldalsheiane ligg Blåsjø, eit av dei største kraftverksmagasina i Norge. Om sommaren kan ein køyre inn og sjå dei mektige demningane (Førrevassdammen og Oddatjørndammen).

Sjå rundturforslag i Suldalsheiane på www.ut.no