Sulheim vertsgård | Gardsovernatting

Den freda vertsgarden Uppigard Sulheim ligg i Bøverdalen. Her bur du i gamle tradisjonsrike bygg utsmykka med ei rik kunstsamling.

Uppigard Sulheim var grunnlagt før 900-talet av Sulheim-familien, og har vore i familiens eige sidan den gong. Garden er i full drift med mjølk- og kjøttproduksjon. Det dyrka arealet er 400 dekar med 25.000 dekar med utmark og skog. Garden har eigne jaktområde for stor -og småvilt - og ei imponerande kunstsamling.

Sulheim-familien har alltid hatt vertsgarden i kontinuerlig og kjærleg vedlikehald i pakt med gardens meir enn 1000 års historie og tradisjonar. Uppigard Sulheim vart fredet som ein av dei fyrste gardane i Noreg i 1923.

Overnatting:
Sulheim vertsgard har 14 senger fordelt på tre leilegheiter. Mat er basert på sjølvhushald, men kan òg bestillast og etast i hovudbygnaden.

Til garden høyrer og to setre. Setrene er Leiksetra som ligg rett opp for garden (nyttast òg som jaktbu), og Sulheim Heimreseter som ligg i Visdalen. Garden har òg ei anna jaktbu, Fjellgrovbue, i Breheimen nasjonalpark. For leige av desse, evt. leige av jakt, ta gjerne kontakt. 

Garden har eit omfattande kunstgalleri basert på målaren Terje Fagermo, men husar òg verker av andre av Noregs framste kunstnarar. Eit opphald eller besøk på Sulheim Vertsgård er perfekt for små forretningsmøter, konferanser og bryllup, eller viss du føler for å ta eit avbrekk frå ein travel kvardag, og berre nyte stadens fred og ro.