Sykkel Eivindvik - Gulatinget

Kjem du med ekspressbåt til Sollibotn, kan du sykle den korte vegen til det historiske senteret Eivindvik. Her kan du gå ei kulturvandringsløype og lære meir om historia til gamle Eivindvik, før du sykler videre til Flolid og Tusenårsstaden Gulatinget.

Gulatinget var ei årleg tingsamling der bønder frå heile kysten møttes i Gulen for å drøfte saker som skattlegging, veg- og kyrkjebygging, militære plikter og ei rad andre spørsmål. I tillegg kunne tinget dømme i tvistemål og kriminalsaker. Når tinget samla seg første gongen veit vi ikkje, men det var i alle høve etablert på 900-talet. På Tusenårsstaden Gulatinget kan du sjå dei monumentale innstallasjonane Tingveggen, Tinghella og Eldsirkelen, som er laga av kunstnaren Bård Breivik. Du kan og ta ei runde på stiane i parkområdet.

Sollibotn – Eivindvik:           2 km

Eivindvik – Gulatinget:        4,2 km 

Frå Eivindvik kan du ta lokalbåt videre til Mjømna eller Nåra i Solund. Eller du kan velge å sykle tilbake til Sollibotn og ta ekspressbåten videre, til t.d. Rysjedalsvika, Askvoll, eller Florø. Det er også fint å sykle frå Sollibotn til Dingja, med flott utsikt til sjøen, og videre til Rutledal der du kan ta ferja til Rysjedalsvika.

Sollibotn – Dingja:                6,5 km

Dingja – Rutledal:                16,9 km