Sykkel - Rallarvegen

SYKKEL- R A L L A R V E G E N

Ca. 80 km - sesong: 10/7 - 30/9

Rallarvegen Haugastøl-Flåm
I tillegg til strekninga Haugastøl -Flåm, kjem 43 på vestsida av Gravhalstunnelen frå Upsete til Voss. På grunn av høgdeforskjellen frå Haugastøl, 988 m.o.h. - om Taugevatn, 1301 m.o.h. til Flåm, 2 m.o.h., syklar dei fleste vestover. NSB har eige sykkeltog mellom Oslo og Voss som går i tida St.Hans til midten av september.

Rallarvegen er eit kulturhistorisk minnesmerke. Frå vegen vil du heile tida ha kontakt med Bergensbanen, som vart opna i 1909. Langs vegen vil du også oppleve fleire verneverdige bygningar. Det er voktarbustader som for det meste er eigd av NSB, og som er skilta med namn og byggjeår. Tidleg i sesongen ligg det mykje snø over det høgaste fjellpartiet, og her anbefalar ein sykkeltoget frå Finse til Hallingskeid.

15 km vest for Haugastøl, ved Storurdivatnet, 1140 m.oh., er vegen stengd med bom, og det er vidare rein gang- og sykkelveg. Storurdi voktarbustad har servering og enkel overnattingstilbod.

Finse 1222 m.oh., er Norges høgstliggjande jernbanestasjon. På Finse ligg DNT Finsehytta, Finse 1222 og rallarmuseet. Vidare vestover har vegbana ein røff og grov overflate. 10 km vest for Finse ligg Fagernut voktarbustad. Her sel Rallarmuseet vaffel og sluskesuppe deler av sommaren. Ved Grjotrust voktarbustad, 1300 m.o.h. kryssar jernbanelinja i snøoverbygg, og ein må her syna stor varsemd.

21 km etter Finse, og 15 km før Myrdal vegkryss, ligg Hallingskeid, 1110 m.o.h. Her er sjølvbetjent DNT-hytte og jernbanestasjon. Vegen går etterkvart brattare nedover, omkransa av fossar og vakker vestlandsnatur. Ein må syna varsemd ved Klevagjelet der vegen går på ei smal fjellhylle, med usikra vegkant til stup ned i vill elv. Servering og overnatting : Vatnahalsen Hotel 812 m.o.h. Myrdal stasjon: Cafe Rallaren.

Dei siste 20 km går ned Flåmsdalen som har ein imponerande vestlandsnatur og Nord-Europas brattaste jernbane. Høgdeforskjellen er på 865 m. I det øveste partiet er det 21 svingar, og her er det lurt å syna varsemd ved å gå av sykkelen. Vel ned i Flåm finn du
hotell, pensjonat, B & B,vandrarheim, camping, og hytter.

Avstandar: Haugastøl-Finse =26 km /Finse-Myrdal vegkryss = 36 km/Myrdal vegkryss -
Flåm = 17 km/ Myrdal-Upsete tog/(5 min.) Upsete - Voss = 43 km.

Overnatting/Servering langs rallarvegen:
Haugastøl: Haugastøl Turistsenter
tlf. 32 08 75 64 - sykkelutleige
Finse: Finsehytta
tlf. 56 52 67 32 - sykkelutleige
Finse: 1222
tlf.56 52 71 00

Vatnahalsen: Vatnahalsen Hotel tlf. 57 63 37 22
Myrdal: Cafe Rallaren-tlf. 57 63 37 56

Flåm/Aurland turistkontor
tlf. 57 63 33 13 - sykkelutleige Flåm
mobil 91 35 16 72
Rallarvegrapport: www.rallarvegen.com