Sykkelrute - Skei - Sægrov - Skei

This is a short and easy trip, which will take you from Skei to Sægrov and back. You start by the end of the Jølstravatnet lake with a view across almost the whole lake, before you start cycling towards the Kjøsnesfjord. Here you can see the steep mountains reflected in the crystal clear water. At the head of the fjord lies Jostedalsbreen glacier. Parts of this trip are on a gravel path.

Dette er ein særdeles vakker sykkeltur tettpakka med naturopplevingar i Astrups rike. Turen startar i Skei sentrum ved nordsida av Jølstravatnet, ein kjent stoppestad for turistar med blant anna hotell og den populære gåvebutikken Audhild Viken. 

Første delen går på gang- og sykkelveg med utsyn til Jølstravatnet, eit av Nord-Europas beste aurefiskevatn. Når du kjem til overgangen mellom Jølstravatnet og Kjøsnesfjorden, røyser dei høgaste fjella i Jølster seg, og inst kjem også Jostedalsbreen krypande ned mellom fjella. 

Den kjente kunstnaren Nikolai Astrup måla fleire av bilda sine herifrå, og du vil truleg kjenne igjen motiva. Grovanipa markerer seg sterkt i landskapet når du står på Kjøsnesbrua, og er eit ynda fotomotiv. 

Når du syklar langs Kjøsnesfjorden mot Sægrov, vil du ha stupbratte og høge fjell på begge sider, og saman med det irrgrøne vatnet og utsikt mot breen syklar du midt i mot noko av det vakraste Norge har å tilby.

Ein kort og flat tur som passar for heile familien.