Terrengsykling på fjellet

Store område med svaberg og 100 kilometer sykkelstiar i heia, gjer Nissedal til terrengsyklistens Mekka.

Hundre kilometer med sykkelstiar på toppen av Heimdalsheia i Nissedal, er eit paradis for syklistar. Svaberg, tilrettelagte klopper og solide hengebruer er på plass på heia mellom Gautefall og Heimdal.

Godt merka

Ein del av sti-nettet er merka med skilt og små steinvardar. Ikkje eitt målingstrøk er bruka for å vise vegen ute i heia. Merkinga er gjerne to steinar oppå kvarandre, små vardar som viser veg.

Trygt med QR

Ein kan starte ved Gautefall, Felehove, eller Heimdal. Skilt med stadnamn og små plater med trykte QR-kodar står plassert ved startpunkt og ute i løypa. Her kan folk scanne inn koden og få opplysningar om kart, informasjon, gps-koordinatar og ei skildring av området dei er i.