Ti-toppers Tokke

Vel ut minst 10 av totalt 19 flotte toppturar i Tokke. Premiering! For meir info kontakt turistkontoret på Dalen.

Ti-toppers er eit samarbeidsprosjekt mellom fleire lag og foreiningar i kommunen. Der kan du velje ut ti av nitten toppar som du må besøke i perioden mellom 17.mai og 17.november. For å delta må du kjøpe eit klippekort som du tar med på toppane og klipper i med klippetengane på toppen. I klippekortet står det ein kort rutebeskrivelse og kvar du kan parkere. For born under 12 år, er det ein eigen " 5 toppars" der dei vel ut 5 av 15 toppar. Alle som gjennomfører får ein premie. Toppane er i alle kategoriar, slik at det finns enkle toppar for nybyrjarar og litt lengre og meir utfordrande for dei som har vore mykje på tur tidlegare. Klippekortet kjøpes på turistinformasjonen på Dalen, bui på Åmdals Verk og Shell i Høydalsmo.

Ti-toppers er et samarbeidsprosjekt mellom 8 lag og foreninger: Byrte IL, Mo grendelag, Skafså grendelag, Åmdal IL, Eidsborg ungdomslag, IL Tokke, Lårdal Vel, Høydalsmo IL og Austheii grendelag.  For å delta på Titoppersen kan ein kjøpe klippekort med turskildring, 100 for vaksen og 50 for born. Kvar topp er utrusta med postkasse og klippetong. Hugs å klippe på angitt plass for dei ulike toppane! Toppane er avmerkt både med skilting og raudmerking.  Gradering av turane:  Blå: lett tur Raud: litt krevjande Svart: svært krevjande Titoppers ønskjer dykk ein riktig god tursommar og håpar de får mange fine turopplevingar, både store og små!