Tursti til Dreng
Fjelltoppen Dreng (272 moh) ligg like nord for Førdebygda. Frå den skogkledde toppen er det fin utsikt over bygda og Førdespollen.
Førde i Sveio kommune
TurkartSveio (1 : 50.000)
Start og sluttpunktVed Førde samfunnshus, Kaien eller Førde kyrkje.
ParkeringVed Førde samfunnshus eller Førde kyrkje.
MerkingStartpunkttavle med kart ved samfunnshuset. Merka ved stiskille, tydeleg sti
GraderingGrøn
Høgdeskilnad230 m
TidsbrukCa 1,5 time
SesongHeile året
Utstyr og påkledningGode tursko/fjellsko eller støvlar. Nokre våte parti.
TurskildringStart frå samfunnshuset eller Førde kyrkje.
Dersom du startar frå "Kaien" følgjer du først denne turskildringa til Førde kyrkje/Førde samfunnshus: Følg vegen frå Kaien oppover mot butikken. Ta til venstre på tursti skilta «Sidespranget» like før butikken. Etter brua kjem du inn på «Elvastien» - følg denne oppover langs elva og gå gjennom undergangen til Førde kyrkje.
Ved start frå kyrkja følgjer du gang- og sykkelsti opp til Samfunnshuset. Her er det startpunkttavle med informasjon om turen. Hald fram forbi bommen og følg skogsvegen. Der vegen svingar mot venstre, går det ein mindre skogsveg opp til høgre (skilta). Her er det greit å gå, men kan vere litt vått, spesielt på slutten av vegen før stigninga startar for alvor. Hald fram på bratt sti mot toppen. Innimellom er det nokre berg som kan vere glatte. Nokre stader er det fleire trasear, men alle fører til toppen.
Oppe på Dreng (277 moh) er det flott utsikt mot mellom anna Siggjo på Bømlo, Halsnøy og Vikebygd. Det står postkasse ved toppen med bok til å skriva seg inn i.
På returen kan du ta ein annan trasé ned når du kjem ned den brattaste bakken. Då går du til venstre ved skiltet, og følgjer merka sti nedover. Når nedstigninga er unnagjort, sving til høgre og følg skogsvegen) ned til Førde Kyrkje.
SkiltingStartpunkttavle med kart ved Førde samfunnshus.
Kilde: Region Sunnhordland
Tursti til Dreng