Rosendal
Frå Navarhaug er det 360 graders utsyn til fjell og dalar, hav og fjordlandskap, og den 3. lengste fjorden i verda, Hardangerfjorden.
Stad
Rosendal
Turkart
Folgefonna nasjonalpark. Rosendal Turgruppe sitt rutekart.
Start- og sluttpunkt
Bjørke.
Parkering
Ved Kvinnherad kyrkje.
Merking
Informasjonstavle er oppsett ved snuplass 150 meter før vegbommen på Bjørke. God grusveg utan merking 1,5 km til Åsvodl der vegen flatar ut. Herfrå T-merka og skilta opp lia.
Gradering
Blå. Lett, ein støvel etter DNT-systemet.
Høgdeskilnad
100 – 501 moh.
Tidsbruk
2 timar t/r.
Gode råd
Frå Navarhaug er det T-merka stiar til Vevik, Sjethaug/Neslia, Kjeldestøl, Skåladalen/Ludnabekk, Nordlifjell og Myrdal. Sjå t.d. Rosendal Turgruppe sitt rutekart, og bruk fantasien for å setja saman interessante turar.
Turomtale
Frå P-plassen ved kyrkja 500 m til Bjørke. Grusveg utan merking 1,5 km til Åsvodl der vegen flatar ut. Skilt her viser til T-merking. Først skogsveg 300 meter og deretter sti opp lia til toppen frå siste svingen på skogsvegen. Den store varden på Navarhaug er oppsett til Rosendal Turnlag sitt 100 års jubileum i 2001. Herfrå er det 360 graders utsyn til fjell og dalar, hav og fjordlandskap, og verdast 3. lengste fjord: Hardangerfjorden.
Kilde: Region Sunnhordland