Tursti til Toftåsen

Halsnøy, Tofte

Fritidskartet Halsnøy/Fjelberg, målestokk 1:20.000

P-plass/tømmeropplagsplass ved søraustfoten av Toftåsen.

Køyr gjennom rundkøyringa på Tofte mot Sæbøvik. Etter 40 meter ta av på veg opp mot høgre, rett etter opphøgt fotgjengarfelt. Vidare på bein veg mot Toftåsen. Følg skilting til parkering ved tømmeropplagsplass.

Informasjonstavle ved start. Skilta og T-merka.

Grøn. Lett tur, ein støvel etter DNT-systemet.

65 - 195 moh.

1,5 time som rundtur.

Tur retur P-plassen går på skogsveg. Som alternativ kan du gå ein rundtur. Anbefalt retning er med urvisaren, men turen er fin også motsett veg!

Gå 200 meter attende frå P-plassen på vegen du kom, og ta inn på vegen til høgre. Følg denne vegen 500 meter til god sti opp til toppen. Opp mot toppen er det fleire stader å setje seg nedpå og nyte utsikten. Også på toppen er det særdeles fine rasteplasser. Her oppe på toppen finn du også Åsatinget - ein flott plass med leikemoglegheiter, gapahauk og til og med ei hytte. Her er det kjempeflott med sitjeplassar, fantastisk utsikt, bord med meir. Her er det også hjartestartar, bålpanne og sitjeplasser rundt denne ute. Utsikta er det berre å nyta, men pass på, det går bratt nedover rett utfor ved hytta.

Nedfart vidare på sti mot aust og skogsveg ned til parkeringsplassen.

Tau til å hjelpe seg med i dei mest utfordrande partia. Ein kan også gå vegen om "Solsiden" - ein sti på 800 m på sørsida av Toftåsen.