Valdres Vilt

Velkomen til gardsutsalet vårt i Ulnes! På garden sel vi lokalmat både frå eigen produksjon og frå andre småprodusentar i Valdres.

Vi har alle typer stykningsdeler av elg og hjort, frå indrefilet til kjøtdeig, og i tillegg lagar vi karbonader, grillpølser og leverpostei. Om våren hender det vi har beverkjøt for sal, og om hausten både ryper og tiur.

På stabburet heng spekepølser og speka elgkjøt og -hjarter, alt saman produsert av lokalt vilt.

Vi har også det gode tilbehøret, som krydder, sopp, gelear, sirup og honning. Og i sesongar rumme, ost, smør og bakst.

Velkomen til den vesle butikken med det store utvalet! Vi har open butikk kvar dag. Sjå facebook eller nettside for meir info.