Visit Jotunheimen | Turistinformasjonen i Lom
Turistinformasjonen i Lom finn du på «Nilsbue» ved rundkøyringa midt i Lom sentrum. Turistinformasjonen er ope heile året og vi er tilgjengeleg på telefon og e-post.
Den offisielle turistinformasjonen i Lom finn du på «Nilsbue», ved rundkøyringa midt i Lom sentrum. Her får du nyttig informasjon om aktivitetar, arrangement, overnatting, servering og handel i og rundt Lom og Jotunheimen.
Turistinformasjonen er ope på kvardagar heile året, med ekstra bemanning og helgeope i juni, juli og august. Vi er òg tilgjengeleg på e-post og telefon.
Turistinformasjonen halder hus i det eldste bygget i Lom sentrum, og flytta inn i nyoppussa lokalar her sommaren 2020. På turistinfomasjonen i Lom har vi eit lite utsal med fjell- og fritidsartiklar. Her finn du eit godt utvalg av turkart for mellom anna Jotunheimen, samt vegkart og ulike turbøker. Vi fører òg eit utval av Real Turmat og gass om du vart i beit til fjellturen, og sel profilartiklar som t-skjorter,luer, buff, trekoppar etc.
Visit Jotunheimen er reisemålselskapet for Jotunheimen, Lom og omland. Lom sentrum har status som nasjonalparklandsby og er ein naturleg innfallsport til nasjonalparkane Jotunheimen, Breheimen og Reinheimen.
Du finn offentleg toalett på utsiden av bygget.
Velkomen til turistinformasjonen i Lom nasjonalparklandsby!
Kontakt oss:
Visit Jotunheimen
info@visitjotunheimen.no
+47 61 21 29 90
Adresse:
Bergomsvegen 17, 2686 Lom
Kilde: Visit Jotunheimen AS
Visit Jotunheimen | Turistinformasjonen i Lom