Leveld Kunstnartun Ål i Hallingdal

Leveld Kunstnartun er ein arbeidsstad for utøvande kunstnarar og kulturarbeidarar. Hit kjem kunstnarar for å arbeide i kortare eller lengre periodar. Leveld Kunstnartun skal være ein bygdenær og roleg stad, der naturen, årstidene og lyset gir inspirasjon og gode rammevilkår.  

Kunstnartunet har to bustadhus, eit atelier i uthuset og arbeidsverkstaden "Låven". Her er også Bjørneboeloftet, som Lisel og Jens Bjørneboe nytta som ferie- og arbeidsstad. Det er eit kulturhistorisk smykke i tunet i kunstnartunet.

Sitatutstilling av forfattaren Jens Bjørneboe finn du langs turen Leveld rundt. Kart og turbeskrivelse (tur 2.2) finn du på www.aal52.no.  

Veibeskrivelse: 
Køyr 3 km på Rv.7 mot Oslo frå Ål sentrum. Ta av til Vats/Bergsjø. Følg Nordbygdvegen(Fv. 244) til du kjem til Leveld Kunstnartun. 

Summarutstilling i skogen 2017:
Fotografane Hector Hernandez Rosas frå Spania, France Dubois frå Belgia, Loek van Vliet frå Nederland og Darren Rigo frå Canada har alle budd og arbeidd i kunstnartunet, fleire av bileta i utstillinga er teke i Leveld og alle er arbeidd med under opphalda deira.
I tillegg til dette er bileta av vevarbeida til Birgit Hagen hengt opp att, og Bjørneboesitata heng langs grendavegen i Leveld.