Fjellvandring i Setesdalsheiane

Opplev Setesdal!
I Setesdalsheiane er det eit omfattande nett av merka løyper. På begge sider av dalføret kan du vandre i nydeleg høgfjellsterreng. I Valle kommune er det 6 hytter tilslutta DNT Sør. Avstanden mellom hyttene varierer, men som oftast kan ein vandre frå hytte til hytte på 3-5 timar.

Dei fleste hyttene er utstyrte med proviant. I fjella i Valle kommune kan du vandre i dagevis eller berre på dagstur. Det er laga informasjonsmateriell for dei som ikkje er erfarne fjellvandrarar. Dette får du hjå DNT Sør i Kristiansand, og på turistkontoret i Valle. Her får du og utdelt planleggingskart med hytter og løyper innteikna.
GOD TUR!