Rosendal Fjordhotel

Ved fjordkanten i idylliske Rosendal ligg Rosendal Fjordhotel, omkransa av majestetiske fjell og den vakre naturen som Hardanger er kjent for. Hotellet, med sine 89 rom – dei fleste nyoppussa – byr på fantastisk utsikt mot fjord eller fjell frå kvar vinkel.

I hotell-restauranten kan du nyta eit måltid med panoramautsikt over fjorden. Kjøkkenet kombinerer lokale smakar med internasjonale rettar, noko som gjer kvart måltid til ei minneverdig oppleving. Restauranten har plass til 250 gjestar og passar like godt for intime måltid som større samlingar.

Rosendal Fjordhotel er også kjent for sine topp moderne konferansefasilitetar, med fleire rom i ulike storleikar som kan husa alt frå 10 til 250 deltakarar. Dette gjer hotellet til ein ideell destinasjon for både små møte og større arrangement, i tillegg til å vera eit utmerka val for ferie eller ei roleg helg borte frå kvardagen.

Når du bur på Rosendal Fjordhotel, har du kort veg til fleire av dei største attraksjonane i Rosendal og Kvinnherad. Besøk Baroniet Rosendal, Skandinavias minste slott, med si unike historie, rike kulturprogram og fantastiske rosehage. Utforsk kunsten på Galleri Guddal, eller lær meir om natur og klima på Folgefonnsenteret. For den som søker aktive opplevingar, finst det mange merka turløyper som tek deg tett på den storslåtte naturen.
Aktivitetar og attraksjonar som Trolltunga, Bondhusvatnet, Malmangernuten og Halsnøy Kloster – berre for å nemna nokon – ligg også berre ein kort køyretur unna.

Velkomen til Rosendal Fjordhotel