I Rui-jentenes fotspor, Dalen - Eidsborg

Krevjande tur spekka med kultur og historie.

Frå starten av sherpatrappa og opp til Rui er det 1 km å gå, 810 trappertrinn, 200 høgdemeter, ca 20-30 minuttar vandring ein veg. Turen heilt fram til Vest-Telemark Museum i Eidsborg er 5 km, ca. 2 timar ein veg. 

For å komme til Rui går du i Rui-jentenes fotspor frå Dalen på eit kunstverk av ei trapp, laga av sherpaer frå Nepal. «Beintsteberg» blir stien kalla lokalt, som tyder den beinaste (kortaste) vegen opp berget. Mykje arbeid er lagt ned i trappa, og opplevinga med først å gå i vakre trappa som snirklar seg opp berget, som om den alltid har ligge der, for så å komme opp i høgda til Rui-plassen er heilt unik. 

Turen startar på steintrapp frå Dalen sentrum, du ser starten på trappa over vegen for Dalen B&B, ved ambulansestasjonen. Steinen du går på er brynestein; lokal kvartsskifer henta frå Omdal skifer. Brynestein frå Eidsborg er Noregs eldste eksportprodukt, frå vikingtid fram til 1950 blei millionar av bryner frakta ned vassdraget (Telemarkskanalen) og ut i den store verda. 

Du kan også gå frå Lastein Bryggje (Dalen). På bryggja legg båtane på Telemarkskanalen til, om sommaren er det her flott utstilling på Dalen Bryggjeutstilling og servering på Lastein Bryggjekafe. God plass til parkering både på bryggja og i sentrum, i sentrum anten ved Coop eller oppe ved turistkontoret.  

Går du frå Dalen sentrum bør du få med deg Rui-jentene som om sommaren står ved fortauet utanfor turistkontoret. Dei er avbilda i full storleik – om lag 1.20 meter høge. Turistkontoret har turbrosjyre og gode turtips, velkommen innom!  

Guida tur til Rui på faste dagar i sommarsesongen, elles i året etter avtale, kontakt oss på turistkontoret. 

Frå starten av trappa og opp til Rui er det 1 km å gå, 810 trappertrinn, 200 høgdemeter, ca 20-30 minuttar vandring. Turen heilt fram til museet i Eidsborg er 5 km, ca. 2 timar. 

I løpet av turen får du med deg fantastiske utsiktspunkt og historiske stader som Riarhamaren og Rui. Informasjonstavler og tilrettelagde kvileplassar undervegs. 

Ta deg god tid opp liane. Ser du etter, vil du finne ein spanande flora med innslag av mange varmekjære planter.

Rui-plassen er i privat eige. Det er ikkje lov å campe på Rui eller i området rundt, verken i telt eller hengekøye. Sykkel på Rui er heller ikkje greit. Familien Haukelidsæter legg ned mykje arbeid på å skjøtte bygningar og kulturlandskap, og halde Rui-plassen open og tilgjengeleg for oss alle, noko me er svært takknemlege for❤️ 

Vis omsyn til bygningar og kulturlandskap, ta med søppel heim og ingen camping. 

Har du Eidsborg som mål kan du avslutte dagen med eit besøk på flotte Vest-Telemark Museum og museumskafeen. Her ligg óg ei av landets minste og flottaste stavkyrkjer, Eidsborg Stavkyrkje. Rui-jentene ligg gravlagd saman med far Johan ved Eidsborg Stavkyrkje. 

Har du framleis att energi vel framme i Eidsborg kan du ta deg ein tur opp til Brynesteinbrotet Brunåslid, ein tur på 4 km. Historia om «Brynestein frå Eidsborg» er skildra inne på museet. 

Turfakta:
Tilgjengeleg:  april – oktober 
Turkart: Miniguide Dalen - Rui  - Eidsborg / Turkart Tokke 1 : 50000 
Lengde: 1 km til Rui/ 5 km til Eidsborg (ein veg) 
Gradering: Raud (krevjande) 
Totale høgdemeter: 468
Skotøy: Gode tursko 
Høgaste punkt:  Eidsborg 540 moh

Ansvarsfull ferdsel for å bevare naturen
Når du beveger deg i naturen, er det avgjørende å praktisere ansvarlig ferdsel for å bevare og respektere det naturlige miljøet. Dette inkluderer å følge oppmerkede stier for å unngå skade på økosystemene, ta med deg søppel og respektere lokale regler og restriksjoner. Sørg for å unngå å forstyrre dyrelivet, og vær oppmerksom på eventuelle spesielle hensyn knyttet til verneområder. Ved å være ansvarsfull i dine utendørsaktiviteter, bidrar du til å opprettholde skjønnheten og bærekraften til naturen, slik at kommende generasjoner også kan nyte den.
 

Les meir om Rui-jentene:
Boka om "Rui-jentene som kom til Kongen" er til sals på turistkontoret. 

Les om Rui-jentene på telemarkshistorier.no

Telemarkspodden: Rui-jentene - arven etter Ingerine og Gurine 

Trapp opp formen! Her er Noregs lengste, flottaste og mest unike trappestiar (Visit Norway artikkel)