Dagsturhytta i Måløy - Kletten

Frå dagsturhytta på Kletten har du ei vakker utsikt over fjorden, fjella og havet. Hytta ligg vendt mot sentrum av byen Måløy og frå vindauget har du oversikt over ei av dei mest trafikkerte sjøstrekningane sør for Stad.

Dagsturhytta i Måløy ligg på fjellet Kletten i Deknepollen.

Frå Kulen

Den raskaste ruta til dagsturhytta startar på Kulen i Deknepollen.

Frå Måløy tek du rv. 15 over Måløybrua til fastlandet. Ta første avkøyring til venstre etter brua, inn på vegen Ytre Kulen. Etter omlag 100 meter; parker på grusplassen ved ASVO. Gå 100 meter vidare vestover på vegen Ytre Kulen, og ta deretter av på blindvegen under Måløybrua. Etter nokre meter vil du sjå ein gangveg til venstre som fører opp mot brua. Følg denne opp til rv. 15, kryss hovudvegen, og gå austover langs fortauet på motsatt side.

Dagsturhytta er ope heile året. I periodar med mykje regn vert stien glatt og gjørmete. Om vinteren når stien er snø og isbelagt må du sjølv vurdere om du er eigna til å gå turen.

Turen frå Kulen er kort, men bratt. Starten på stien ligg ved hovudvegen på austenden av Måløybrua og er merka med skilt. Stien går bratt oppover gjennom granskogen før den blir meir småkuppert fram mot hytta. Turen oppover tek i underkant av 30 minutter.

Det er tilkomst til utedo ved hytta.

Det er ikkje lov til å overnatte i hytta.