Fjellkveld i Løa på Jølstraholmen

Velkommen til fjellkveld med pub og prat - og snart er det påske! Foto frå turar i Sunnfjord-fjella og signering av sjølvbiografien «Fjellene har meg nå» etter

-Mitt mantra har vore at draumane er motoren i livet, og kanskje er det viktigare enn nokon gong å vere bevisst på det. Det er når draumane ikkje kjem av seg sjølv at det er viktig at du lager dei.

Ein gong drøymde Stein P. Aasheim om å reise med den første norske ekspedisjonen til verdas høgaste fjell. No drøymer han om å gå på tur med barnebarnet. Ei veke i norske fjell med telt, fiskestong og blomsterbok, er draumen den allsidige eventyraren ber på, no.

Etter å ha utfordra naturkrefter i alle verdsdelar, har han slått seg ned saman med hundane sine i ei enkel, maskinlafta hytte i Romsdals-fjella utan straum og vatn i det han kallar eit samliv med fjella, tettare på naturen enn nokon gong.

Ei av dei som har besøkt han der, er journalist i Fjell og Vidde, Line Hårklau. Ho møtte ein eventyrar som var lei av å snakke om bragder og prestasjoner:
-Eg vil heller snakke om det livet har lært meg, i staden for kor sliten eg var på Everest, sa han.

Men verdien av å drøyme snakkar han gjerne om, og om respekten for naturen, dragninga mot fjella og gleda han finn i dette enkle samlivet. Rundt slike refleksjonar går praten når Line Hårklau samtalar med Stein P. Aasheim i løa på Jølstraholmen denne laurdagskvelden.

Velkommen til fjellkveld med pub og prat - og snart er det påske! Foto frå turar i Sunnfjord-fjella og signering av sjølvbiografien «Fjellene har meg nå» etter samtalen.