Dynamic Variation:
Offers
x

There was not an exact match for the language you toggled to. You have been redirected to the nearest matching page within this section.

Choose Language
Toggling to another language will take you to the matching page or nearest matching page within that selection.
Search & Book Sponsored Links
Search
or search all of Norway

Sognefjorden Solund

Fyrsafari til Utvær

  • +47 47409482
  •  /  km From You
Overview

Utvær er Norges vestlegaste øygruppe med det vestlegaste fyret i landet. Kvar laurdag i sommar kan du bli med på fyrsafari!

Utvær er Norges vestlegaste øygruppe med det vestlegaste fyret i landet. Staden har både eit historisk sus og ein fasinerande natur heilt ytst i havgapet. Utsikta frå toppen av fyret er fantastisk! Kvar laurdag frå slutten av juni til midten av august kan du bli med på fyrsafari. 


FYRSAFARI 
Turen startar med avgang frå Hardbakke i Solund. Avhengig av vêret vil turen gå nord eller sør for Ytre Sula og gjennom øyriket i Solund. På Utvær går du Nordsjøløypa rundt øya saman med ein guide. Undervegs kan du sjå tufter etter kapellet som vart flytta i 1718 og merke etter sliping av sverd. Framme ved Utvær fyr kan dei som vil gå opp i fyret for å nyte den fantastiske utsikta! 

Kvar laurdag frå slutten av juni til midten av august kan du bli med på fyrsafari frå Hardbakke* til Utvær ​
10.45 - Avgang frå Hardbakke, Solund
11.30 - Ankomst Utvær
14.00 - Avreise frå Utvær
14.45 - Ankomst Hardbakke

* Ønskjer du å reise frå Ytre Sula på fyrsafari? Båten kan hente deg på Ytrøy, Nåra eller Kolgrov, alt etter kva som passer best med vêr og vind. Ring til Vidar Hop Skyssbåter på tlf. 970 18 145 for å gjere ein spesialavtale. Etter at du har gjort ein avtale kan du kjøpe billett på nett her. Du nyttar den same billetten uansett om du vil reise frå Hardbakke eller Ytre Sula. 

 

PRISAR OG BILLETTAR
Ein fyrsafaribillett inkluderar guiding og båtreise tur/ retur Hardbakke - Utvær. 
Vaksne: 600,-
Barn (4-17 år): 300,-
Barn under 4 år: Gratis. 
Ein prosentandel av inntektene frå billettsalet går til "Vener av Utvær", ei gruppe som arbeider for å gjøre fyret tilgjengelig for alle.

Grunna avgrensa tal plassar på båten må turen bestillast innan kl. 17.00 dagen før avreise. Finn du ikkje ledige billettar på nett? Ta kontakt med Visit FjordKysten på tlf. 57 74 30 00 eller mail@fjordkysten.no så vil vi gjere vårt beste for å hjelpe deg. Dersom du er på reise og ikkje har høve til å kjøpe billettar på nett er det mogleg å reservere plass og betale om bord i båten. Ring til 5774 3000 eller send ein e-post til mail@fjordkysten.no for å reservere plass. 

 

MAT OG DRIKKE
Det er mogleg å kjøpe vaflar, kaffi og saft ved fyret. Du kan betale med Vipps eller kontant.
 

FYRSAFARI GJENNOM HEILE ÅRET
Guida turar og opplevingar på Utvær er tilgjengeleg gjennom heile året på førespurnad. Ta gjerne kontakt med Vener av Utvær på post@utver.no eller ring 474 09 482.
 

OM UTVÆR
Utvær er eit gamalt fiskevær. Det er ingen fastbuande der i dag, men om sommaren er det mykje feriefolk. Utsikta frå fyret er utruleg flott. Bli med på ei vandring på øya der du besøker Paradis - den vakre hagen sør for fyret. Du får også sett tufter etter kapellet som vart flytta i 1718 og merke etter sliping av sverd. Det mest fasinerande er likevel naturen og havet – lengst vest i Norge.

Utvær er kjent frå historia heilt attende til vikingtida. I 1066 segla Harald Hardråde ut frå Solund då han skulle freiste å legge under seg England. 200 skip og dertil proviantskip og småskuter var samla. Soga seier at ein del av skipa gjekk ut frå Utvær. Slaget enda med fall ved Stamford Bridge. På austsida av vågen ved Likberget ser ein nokre spor i berget. Historia fortel at det er spor etter vikingane som slipte sverda sine før dei drog over havet på vikingferd.I alle år var fisket hovudnæringsveg på Utvær. Kort veg til fiskefelta gjorde været til eit senter i sesongbaserte fiskeri. Det var i året 1900 det monumentale fyrtårnet vart satt opp. Fyrtårnet i støypejern ragar 31 meter over berget og sender lyskjegla i 45 meters høgde over havflata. Lysblinken kvart 30.sekund når 35 km ut i Nordsjøen.


  • Last Updated:
  • Source: Visit FjordKysten

Opening hours

All Year
Daily
See All

Price

Description Price*
Voksen Vaksen 600,00 Pr. person
Barn / ungdom (4-17 år) 300,00 1 person
Barn (0-3 år) 0,00 Gratis
* Price from
Statens Kartverk, Geovekst og kommuner - Geodata AS
TripAdvisor Reviews
Traveler Reviews in partnership with
Your Recently Viewed Pages