Kunstlåven

Kunstlåven i Seljord opnar 1. juli kl. 11:00 med opningsprogram kl 18:00.
Opningstale ved Ann Kristin Aas, styremedlem i Norske Kunsthåndverkere
Torhild Grøstad fortel om Knut Flatin og Seljord kunstforening
Presentasjon av utstillarane
Musikk ved Symre Taugbøl Bang
Feitegraut frå Åmotsdal
Servering med alle rettigheiter

Sommarutstillinga 2025 

Sommarutstilling på Kunstlåven i Seljord blir tredelt og byr på ein spennande kunstsommar.

Hovudutstillinga: “Sommarutstillinga 2025”, vil vise verk frå 10 kunstnarar, alle medlemmer av Norske Kunsthandverkarar. Utstillinga er eit samarbeid med Norske Kunsthandverkarar Region Sør og markerer deira 50-årsjubileum. Dette blir ei mangfaldig og inspirerande utstilling som viser breidda av kunsthandverket i vår region.

Minneutstilling: til ære for Knut Flatin, som i år ville fylt 80 år. Dette blir ei minneutstilling over hans kunstnariske virke. Publikum vil få oppleve verk frå heile hans karriere, inkludert fleire som aldri før har vore viste. 

Ekstra utstilling: Seljord Kunstforening i samarbeid med Seljord Husflidlag viser utstillinga "Korgtradisjonar i Noreg". Utstillinga spring utifrå Hege Aasdal sitt arbeid som handverksstipendiat for Norsk Håndverksinsitutt og syner eit bredt spekter av materialer og teknikker frå forskjellige deler av landet.

Gjennom sommaren vil Kunstlåven òg arrangere seminar, omvisingar og kunstreiser i regionen, alle knytte til dei to utstillingane. 

Velkomen til ein sommar på Kunstlåven i Seljord fylt med kunst og inspirasjon!

Opningstider 2025:
Ope kvar dag frå kl. 11:00 – 17:00 i heile juli.