Tursti til Malmangernuten frå Rosendal

Stad

Rosendal.

Turkart

Folgefonna nasjonalpark.

Rosendal Turgruppe sitt rutekart.

Start- og sluttpunkt

Rosendal Fjordhotel.

Parkering

Øvre P-plass ved Rosendal Fjordhotel.

Merking

Informasjonstavle ved P-plassen.

T-merka med skilt og vardar.

Gradering

Raud. Middels krevjande, tre støvlar etter DNT-systemet.

Høgdeskilnad

0 –  890 moh.

Tidsbruk

4 timar t/r.

Gode råd

Alternativ retur kan vera stien frå Malmangernuten langs ryggen mellom Guddalsdalen og Hattebergsdalen til stidele mot Skeisfjell, derfrå ned Murabotnen til grusvegen ut Hattebergsdalen. Sjå rute Malmangernuten, frå Hattebergsdalen

Turomtale

Frå P-plass ved Rosendal Fjordhotel tvers over riksvegen til skilt og merking langs gangvegen til Skeie der stien startar bratt opp lia. Før tregrensa går stien i utmark og blandingsskog.  Mellom Høyklepp og Hjort har sherpaer frå Nepal bygd trapper for å sikra det bratte området.

Flott utsyn over Rosendal og nabobygdene i grenselandet mellom Sunnhordland og Hardanger, med hav, fjordar, vassdragsnatur og mektige fjellområde.