NORDFJORD

Du treng ikkje å slite deg ut for utsikta, for i Loen kan du ta Loen Skylift opp til Hoven.

Gå turar på toppen og et herleg mat i topprestauranten.

Om du vil ha ei utfordring, kan du teste høgdeskrekken din i Via Ferrata Loen.

Høgdepunkta er ziplinen og turen over hengebrua som ligg på 750 meter over havet.

Adrenalinkick, garantert!

Ikkje gløym kviledagane, då.

Book eit spaopphald på Hotel Alexandra. Dette flotte, familievennlege hotellet har eit fantastisk spa med både innandørs- og utandørsbasseng og tilbyr ei rekkje aktivitetar.

Utforsk dei spektakulære dalane Oldedalen og Lodalen med dei turkise vatna sine. Leig eit SUP-brett eller ein kajakk, og ta ein pause på ein av dei koselege kafeane eller badeplassane langs vasskanten.

Delar av Jostedalsbreen nasjonalpark ligg i Nordfjord, noko som gir deg høve til å komme tett på isbreane som snirklar seg nedover dalsidene. I Oldedalen kan du gå tur opp til Briksdalsbreen.

Bli med på ein guida isbretur, som til dømes Tystigbreen på Strynefjellet.

Finurleg fakta: Det er smeltevatnet frå isbreane og snøen som gir Oldevatnet og Lovatnet den fine fargen.

Legg turen innom den sjarmerande bygda Hjelle, der det historiske Hjelle Hotel ligg. Nyt ein god afternoon tea i Gamlebutikken, eller ta med kajakken ut på vakre Oppstrynsvatnet.

Nordfjord er også fjordhestanes heim.

Dra til Norsk Fjordhestsenter for å lære meir om denne norske hesterasen, og du kan til og med helse på hestane og prøve å ri.

Ta turen til eventyrlege Kandalen for flotte fotturar og smakfulle lokalmatopplevingar.

Overnatt på Sølvane Gard og legg turen innom Kandal Ysteri for å kjøpe Noregs beste brunost laga av geitemjølk.

Like i nærleiken kan du nyte ein roleg kajakktur på eit av dei stille vatna, eller ta utfordringa og gå den krevjande, men flotte turen til Eggenipa i Byrkjelo.

Vent no litt, dette ser jo ut som Syden?

Om du tek med deg solhatt og solkrem, kan ein sommardag på Grotlesanden i Bremanger sjå nesten like eksotisk ut som Middelhavet.

Vetvika er òg ei nydeleg strand, men det krev eit par timar på tur for å komme seg dit.

Like i nærleiken ligg Kalvåg, eit av Noregs best bevarte fiskevêr og eit perfekt utgangspunkt for nye opplevingar. Knutholmen Hotel byr på ekte kystopplevingar, med stilfulle rom heilt i sjøkanten og førsteklasses sjømat basert på lokale råvarer. Prøv den flytande badstova, leig ein kajakk eller bli med på ein fisketur!

Ei anna herleg sandstrand finn du i Selje, der du kan kombinere stranddag med båttur til historiske Selje kloster.

Ein perfekt stad å runde av turen!